மேலும் இதுகுறித்து டெல்லியில் உள்ள டைரக்டர் ஜெனரல் ஆப் சிவில் ஏவியேசன்க்கும் (டிஜிசிஏ) தகவல் அளித்தனர். இதையடுத்து, டிஜிசிஏ இதுகுறித்து விரிவான விசாரணைக்கு உத்தரவிட்டதோடு, குறிப்பிட்ட அந்த விமானம், மறு உத்தரவு வரும் வரை பறப்பதற்கு தடையும் விதித்தது. இதற்கிடையே இந்த விமானம் திருச்சிக்கு இயக்கப்பட்டு வந்த அந்த ஏடிஆர் ரக விமானம் என தெரியவந்தது. இதனால் இண்டிகோ ஏர்லைன்ஸ் பயணிகள் விமான நிறுவனம், தினமும் திருச்சி செல்லும் 4 விமானங்களையும், திருச்சியில் இருந்து சென்னை வரும் 4 விமானங்களையும் நேற்று ரத்து செய்தது.
அதைப்போல் இன்றும் (செவ்வாய்க்கிழமை) இந்த 8 விமானங்களும் ரத்து என்று அறிவித்துள்ளது. இந்நிலையில் விபத்துக்குள்ளான இந்த ஒரே ஏடிஆர் ரக விமானமே, சென்னை- திருச்சி – சென்னை இடையே தினமும் இயங்கி வந்ததால், வேறு வழியின்றி நேற்றும், இன்றும் இந்த 8 விமான சேவைகள் ரத்து செய்யப்பட்டுள்ளதாக கூறப்படுகிறது. மேலும் இந்த விமானம் முழுமையாக பழுதுபார்க்கப்பட்டு, மீண்டும் வானில் பறப்பதற்கு, பிசிஏஎஸ் மற்றும் டிஜிசிஏ அனுமதி பெற்ற பின்பு தான் விமானம் மீண்டும் இயக்கப்படும் என்று கூறப்படுகிறது.