இந்திய அணி தேர்வில் தொடரும் சர்ச்சைகள்

புதுடெல்லி: உலக கோப்பை கிரிக்கெட் போட்டிக்கான இந்திய அணி அறிவிக்கப்பட்டதில் இருந்து வழக்கம் போல் சர்ச்சைகளின் பட்டியல் நீளத் தொடங்கி விட்டன. அவை…..
* ‘யஜ்வேந்திர சாஹல் வேறு எந்த அணிக்காக விளையாடி இருந்தாலும் உலக கோப்பைக்கான 11பேர் கொண்ட ஆடும் அணியிலேயே கட்டாயம் இடம் பிடித்திருப்பார்’ என்று முன்னாள் சுழல் ஹர்பஜன் சிங் தெரிவித்துள்ளார்.
* பிசிசிஐ தலைமை தேர்வாளரான அஜித் அகர்கர், தனது ஊரான மும்பையைச் சேர்ந்த 5 வீரர்களுக்கு அணியில் இடம் தந்துள்ளார்.
* 1996ம் ஆண்டுக்கு பிறகு உலக கோப்பைக்கான இந்திய அணியில் தமிழக வீரர்கள் இடம் பெறாதது இது 2வது தடவை. மேலும் 2007ம் ஆண்டு தினேஷ் கார்த்திக் அணியில் இடம் பெற்றிருந்தும், ஒரு ஆட்டத்தில் கூட ஆட வாய்ப்பு கிடைக்கவேயில்லை.
* சுழலுக்கு சாதகமான இந்திய மண்ணில் வேகப்பந்து வீச்சாளர்கள் 6 பேர் தேர்வு செய்யப்பட்டுள்ளனர்.
* காயத்தில் இருந்து மீண்டும் களம் திரும்பிய கே.எல்.ராகுல், ஸ்ரேயாஸ் அய்யர் ஆகியோர் இன்னும் தங்கள் ஆட்டத்திறனை வெளிப்படுத்தாத நிலையில் அணியில் இடம் பெற்றுள்ளனர்.
* வலது கை ஸ்பின்னர்கள் ஜொலிக்கும் 50ஓவர் ஆட்டங்களில், அதுவும் இந்தியாவில் ஒருவர் கூட வலது கை சுழல் பந்து வீச்சாளர்கள் இல்லை.
* ‘கோப்பையை வென்ற 2011ம் ஆண்டு இந்திய அணியில் இருந்த வீரர்களை போன்றவர் யாரும் 2023 இந்திய அணியில் யாரும் நம்பிக்கையை ரசிகர்கள் மத்தியில் ஏற்படுத்தவில்லை’யுவராஜ் சிங் சாடியுள்ளார்.
* ‘அஸ்வின் தொடர்ந்து 50, 20 ஓவர்களுக்கான அணி தேர்வில் இருந்து புறக்கணிப்பது ஆச்சர்யமாக உள்ளது’ என்று பாகிஸ்தான் முன்னாள் நட்சத்திரம் சோயிப் அக்தர் கூறியுள்ளார்.
* இந்திய தனது முதல் ஆட்டத்தில் ஆஸியை எதிர்கொள்கிறது. சென்னையில் சொந்த மண்ணில் நடைபெறும் இந்தப்போட்டியில் ஆல்ரவுண்டர் அஸ்வின் இல்லை.
* சுழல் பந்து வீச்சை எதிர்கொள்ள தடுமாறும் ஆஸிக்கு சென்னையையும், இங்கிலாந்து லக்னோவையும், தென் ஆப்ரிக்காவும் கொல்கத்தாவையும் பிசிசிஐ தேர்வு செய்தது. ஆனால் தேர்வாளர்கள் முக்கிய சுழல் பந்து வீச்சாளர்களான அஸ்வினை, சாஹலை ஓரம் கட்டி உள்ளனர்.
* ஒருநாள் ஆட்டங்களில் பெரிதும் சாதிக்காத சூரியகுமார் யாதவுக்கு பதில் சஞ்சு சாம்சனை அணியில் சேர்க்காதது தவறு.
* இந்திய அணியுடன் தாமதமாக இணைந்த ராகுல் நேற்று பயிற்சியில் பேட்டிங் பயிற்சியில் மட்டும் ஈடுபட்டார். மருத்துவர்கள் ஆலோசனையின்படி அவர் விக்கெட் கீப்பிங் பயிற்சியில் ஈடுபடவில்லை.
* ஆசிய கோப்பை லீக் சுற்றில் அனுபவமற்ற அணியியான நேபாளத்துக்கு 230ரன் விட்டுக் கொடுத்த அதே வீரர்களை கொண்ட அணியை உலக கோப்பைக்கு அறிவித்திருப்பது ஆச்சர்த்தின் உச்சம்.
* ஆசிய கோப்பையில் அனுபவ வீரரான வேகம் ஷமியை ஓரம் கட்டி வைத்துள்ள கேப்டன் ரோகித் ஷர்மா, அவரை உலக கோப்பையில் ஒழுங்காக பயன்படுத்துவாரா என்ற சந்தேகம் எழுந்துள்ளது.