Tuesday, September 24, 2024
Home » தொடரை வென்றது இந்தியா யு-19

தொடரை வென்றது இந்தியா யு-19

by Karthik Yash

புதுச்சேரி: ஆஸ்திரேலியா யு-19 அணியுடனான 2வது இளைஞர் ஒருநாள் போட்டியில் 9 விக்கெட் வித்தியாசத்தில் அபாரமாக வென்ற இந்தியா யு-19 அணி 2-0 என முன்னிலை பெற்றதுடன் தொடரையும் கைப்பற்றியது. புதுச்சேரி கிரிக்கெட் சங்க மைதானத்தில் நேற்று நடந்த இப்போட்டியில், டாஸ் வென்று பேட் செய்த ஆஸ்திரேலியா யு-19 அணி 49.3 ஓவரில் 176 ரன் சேர்த்து ஆல் அவுட்டானது. அதிகபட்சமாக அடிசன் ஷெரிப் 39 ரன் எடுத்து ரன் அவுட்டானார். இதையடுத்து, 50 ஓவரில் 177 ரன் எடுத்தால் வெற்றி என்ற எளிய இலக்குடன் இந்தியா யு-19 களமிறங்கியது. சஹில் பராக், ருத்ர படேல் இணைந்து துரத்தலை தொடங்கினர்.

ருத்ர படேல் 10 ரன் மட்டுமே எடுத்து ஹோக்ஸ்ட்ரா பந்துவீச்சில் ரனால்டோவிடம் பிடிபட்டார். எனினும், சஹில் பராக் – அபிக்யான் குன்டு ஜோடி 2வது விக்கெட்டுக்கு அதிரடியில் இறங்க, இந்தியா யு-19 அணி 22 ஓவரிலேயே 1 விக்கெட் இழப்புக்கு 177 ரன் எடுத்து வெற்றியை வசப்படுத்தியது. சஹில் பராக் 109 ரன் (75 பந்து, 14 பவுண்டரி, 5 சிக்சர்), அபிக்யான் குன்டு 53 ரன்னுடன் (50 பந்து, 9 பவுண்டரி) ஆட்டமிழக்காமல் இருந்தனர். இந்தியா 2-0 என முன்னிலை பெற்றதுடன் தொடரையும் கைப்பற்றிய நிலையில், கடைசி போட்டி செப்.26ல் நடக்கிறது. அதைத் தொடர்ந்து இரு அணிகளும் சென்னையில் 2 டெஸ்ட் போட்டிகளில் (4 நாள், அதிகாரப்பூர்வமற்றது) விளையாட உள்ளன.

You may also like

Leave a Comment

eighteen + twenty =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi