இந்த தொடரில் நடப்பு சாம்பியன் இங்கிலாந்து உள்பட 20 அணிகள் 4 பிரிவுகளாக லீக் சுற்றில் மோதுகின்றன. போட்டியை இணைந்து நடத்தும் அமெரிக்கா ஜூன் 1ம் தேதி நடக்கும் தொடக்க லீக் ஆட்டத்தில் கனடாவை சந்திக்கிறது. ஏ பிரிவில் இடம் பெற்றுள்ள இந்தியா – பாகிஸ்தான் மோதும் பரபரப்பான லீக் ஆட்டம் ஜூன் 9ம் தேதி நியூயார்க் நகரில் நடைபெற உள்ளது. லீக் சுற்றின் முடிவில் ஒவ்வொரு பிரிவிலும் முதல் 2 இடங்களைப் பிடிக்கும் அணிகள், சூப்பர் 8 சுற்றில் 2 பிரிவுகளாக மோதவுள்ளன. இந்த சுற்றின் முடிவில் இரு பிரிவிலும் டாப்-2 அணிகள் அரையிறுதிக்கு தகுதி பெறும்.
ஏ பிரிவு: இந்தியா, பாகிஸ்தான், அயர்லாந்து, கனடா, அமெரிக்கா
பி பிரிவு: இங்கிலாந்து, ஆஸ்திரேலியா, நமீபியா, ஸ்காட்லாந்து, ஓமன்
சி பிரிவு: நியூசிலாந்து, வெஸ்ட் இண்டீஸ், ஆப்கானிஸ்தான், உகாண்டா, பப்புவா நியூ கினியா
டி பிரிவு: தென் ஆப்ரிக்கா, இலங்கை, வங்கதேசம், நெதர்லாந்து, நேபாளம்