இந்நிலையில் 4வது டி20 இன்று மாலை ஹராரேவில் நடக்கிறது. தொடர்ச்சியாக 3வது வெற்றியுடன் தொடரை கைப்பற்றும் முனைப்புடன் இந்திய அணி களமிறங்குகிறது. அபிஷேக், கில், ருதுராஜ், ஜெய்ஸ்வால், சஞ்சு சாம்ச, சிவம் துபே, ரிங்கு என அதிரடி பேட்ஸ்மேன்கள் அணிவகுப்பதால் ஜிம்பாப்வே பவுலர்களுக்கு சரியான சவால் காத்திருக்கிறது. வாஷிங்டன் சுந்தர் ஆல் ரவுண்டராக அசத்தி வருகிறார். ஆவேஷ் கான், கலீல் அகமது பந்துவீச்சும் சிறப்பாக உள்ளது.
அதே சமயம் சொந்த மண்ணில் நடைபெறும் தொடரில் வென்றாக வேண்டிய கட்டாயத்தில் சிக்கந்தர் ரஸா தலைமையிலான ஜிம்பாப்வே உள்ளது. முதல் ஆட்டத்தில் இந்தியாவை வீழ்த்தியும், அடுத்த 2 ஆட்டங்களில் பரிதாபமான தோல்வியைதான் சந்திக்க முடிந்தது. இன்றைய ஆட்டத்தில் வெல்வதின் மூலம் 2-2 என சமநிலைக்கு கொண்டு வருவதுடன், தொடரை வெல்வதற்கான வாய்ப்பையும் தக்கவைத்துக் கொள்ள முடியும். இரு அணிகளுமே வெற்றிக்காக வரிந்துகட்டுவதால் இன்றைய ஆட்டத்திலும் விறுவிறுப்புக்கு பஞ்சமிருக்காது.