இரும்புச் சத்து நிறைந்த ஜூஸ்கள்
இந்தியாவில் பெண்களுக்கு முடி உதிர்வு ஏற்படுவதற்கான முக்கிய காரணங்களில் ஒன்று இரும்புச் சத்து குறைபாடு அல்லது இரத்தசோகை. இதை சரிசெய்ய இரும்புச்சத்து நிறைந்த ஜூஸ்களை எடுத்துக் கொள்ளுங்கள்.
வெள்ளரிக்காய் ஜூஸ்
வெள்ளரிக்காய் ஜூஸ் ஆக்ஸிஜனேற்றம் நிறைந்தது. முடிக்கு ஊட்டச்சத்தை அளிக்கிறது. மதிய நேரத்தில் இந்த வகை ஜூஸை எடுத்துக் கொள்ளலாம். வெள்ளரிக்காயுடன் புதினா, எலுமிச்சைச் சாறை நன்கு அரைத்து, அதை குடிக்கவும்.
நெல்லிக்காய் ஜூஸ்
முடிக்கு நெல்லிக்காய் ஜூஸ் மிகவும் ஏற்றது. வெறும் நெல்லிக்காயைக் கூட தினமும் எடுத்துக்கொள்ளலாம். இந்த ஜூஸில் வைட்டமின் சி நிறைந்துள்ளது. இது ஃப்ரீ ரேடிக்கல்களை எதிர்த்துப் போராடும் புதிய முடி வளர்ச்சியை ஊக்குவிக்கும் மற்றும் முடி உதிர்வை திறம்பட கட்டுப்படுத்தும்.
பசலைக்கீரை ஜூஸ்
இரும்புச் சத்து அதிகம் உள்ள பசலைக் கீரையை உணவில் சேர்க்கலாம். இந்தக் கீரையில் பொட்டாசியம், மெக்னீசியம், வைட்டமின் சி, கரோட்டினாய்டுகள் மற்றும் தாமிரம் போன்ற பிற ஊட்டச் சத்துக்களும் உள்ளன. இது இரும்புச்சத்து நிறைந்தது. அப்படியே அரைத்து எலுமிச்சைச் சாறு சேர்த்து வடிக்கட்டி குடிக்கலாம். அல்லது ஏதாவது ஒரு பழத்தை பசலைக்கீரையுடன் சேர்த்து அரைத்துக் குடிக்கலாம்.
அத்திப்பழ ஜூஸ்!
அத்திப்பழம் பொதுவாக இரத்த விருத்தி, உடல் குளிர்ச்சி, உயிரணுப் பெருக்கத்திற்கு மட்டுமல்ல , சருமம், முடி உள்ளிட்டவைகளுக்கும் பயன்கள் அள்ளிக் கொடுக்கும்.
– பொ. பாலாஜிகணேஷ்