புதுடெல்லி: ராமராஜ்யத்தின் உத்வேகத்தால் நல்ல கல்வி மற்றும் சுகாதாரம் மற்றும் இலவச குடிநீர் விநியோகம் ஆகியவற்றை வழங்கி வருவதாக டெல்லி முதல்வர் கெஜ்ரிவால் தெரிவித்தார். ஆம் ஆத்மி அரசு சார்பில் சத்ராசால் மைதானத்தில் குடியரசு தின விழா நேற்று நடந்தது. இதில் பேசிய முதல்வர் கெஜ்ரிவால்,‘‘ டெல்லி அரசு, ராம ராஜ்யத்தின் உத்வேகத்துடன், நல்ல கல்வி, சுகாதாரம், மூத்த குடிமக்களுக்கு ஓய்வூதியம், இரவு முழுவதும் தடையற்ற மின்சாரம் மற்றும் இலவச குடிநீர் விநியோகம் ஆகியவற்றை வழங்குகிறது.
ஜாதி மற்றும் மத அடிப்படையில் ராமர் ஒருபோதும் பாகுபாடு காட்டவில்லை, ஆனால் இன்று சமூகம் அந்த அடிப்படையில் பிளவுபட்டுள்ளது. விலைவாசி அதிகரித்துள்ளது. இந்த விலைவாசி உயர்வால் மக்கள் அவதிப்படுகின்றனர் என்றால் அதை ராமராஜ்யம் என்று ஒன்றிய அரசால் சொல்ல முடியாது’’ என்றார்.