ஜார்கிராம்; ஒன்றியத்தில் பாஜ மீண்டும் ஆட்சிக்கு வந்தால், சமையல் கேஸ் சிலிண்டர் விலை ரூ.2,000 ஆக உயர்த்தப்படும் என்று மேற்கு வங்க முதல்வர் மம்தா பானர்ஜி கூறினார். மேற்குவங்க மாநிலம் ஜார்கிராம் மாவட்டத்தில் நடந்த அரசு நிகழ்ச்சி ஒன்றில் கலந்து கொண்டு பேசிய முதல்வர் மம்தா கூறியதாவது: தேர்தலில் பாஜ வெற்றி பெற்றால், சமையல் கேஸ் சிலிண்டரின் விலையை ரூ.1,500 அல்லது ரூ.2,000 ஆக உயர்த்தலாம்.
மீண்டும், நெருப்பு மூட்டுவதற்கு விறகு சேகரிக்கும் பழைய நடைமுறைக்கு திரும்ப வேண்டும். மேற்கு வங்க மாநிலத்தில் ஆவாஸ் யோஜனா திட்டத்தின் கீழ் வீடுகளை ஏப்ரல் இறுதிக்குள் கட்டி முடிக்க வேண்டும். இல்லையெனில், மே மாதத்திலிருந்து எனது அரசு அவற்றைக் கட்டத் தொடங்கும். இவ்வாறு அவர் கூறினார்.