மாம்பழ ஃபேஷியல்: மாம்பழத்தை மசித்து அதில் சிறிது பால் சேர்த்து கலந்து ஃபேஷியல் செய்து வந்தால் சருமம் இறுக்கமடையும். வறட்சி நீங்கி முகம் பொலிவு பெறும்.
ஸ்ட்ராபெர்ரி ஃபேஷியல்: ஸ்டரா பெர்ரியை தயிருடன் கலந்து வாரத்திற்கு இரண்டு முறை ஃபேஷியல் செய்து வந்தால் பருக்கள் மறைந்துவிடும்.
ஆரஞ்சு ஃபேஷியல்: சிட்ரஸ் பழங்களில் ஆரஞ்சுப் பழத்தை வைத்து ஃபேஷியல் செய்தால் இளமையான தோற்றம் கிடைக்கும். புத்துணர்வுடன் காட்சியளிக்கும்.
ஆப்பிள் ஃபேஷியல்: ஆப்பிளை அரைத்து அதோடு தேன் கலந்து முகத்தில் ஃபேஷியல் செய்து வந்தால் பழுப்பு நிற சருமம் மற்றும் பருக்கள் இருந்த இடம் தெரியாமல் மறைந்து போகும்.
அவகாடோ ஃபேஷியல்: அவகாடோ பழத்தை தேன், முட்டை (அ) தயிருடன் சேர்த்து கலந்து ஃபேஷியல் செய்து வந்தால் சருமம் மின்னும். கூந்தலுக்கு தடவி அலச ஊட்டம் கிடைக்கும்.
எலுமிச்சை ஃபேஷியல்: எலுமிச்சைப் பழத்தை பிழிந்து அதை ஃபேஷியல் செய்தால் சருமத்தில் உள்ள இறந்த செல்கள் நீங்குவதோடு, பொலிவான சருமமும் கிடைக்கும். வறண்ட சருமத்தினர் வாரம் ஒருமுறை மட்டும் எலுமிச்சை முகத்திற்கு பயன்படுத்தவும்.
பப்பாளி ஃபேஷியல்: பப்பாளி ஃபேஷியல் செய்தால் சருமத்தை குளிர்வித்து முகம் பளபளக்க பெரிதும் உதவும்.பீச்பழ ஃபேஷியல்: சரும சுருக்கங்களை நீக்கும். சருமத்துளைகளில் உள்ள அடைப்புகளை நீக்கி அழகை உண்டாக்கும். பீச்பழத்துடன் தேனைக் கலந்து ஃபேஷியல் செய்தால் முகம் மேலும் அழகு பெறும்.
– காகை ஜெ. ரவிக்குமார்.