அண்ணாநகர்: வேலூர் மாவட்டம் ராணிப்பேட்டை பகுதியை சேர்ந்தவர் ராதிகா (23). இவர், அமைந்தகரை போக்குவரத்து காவல் நிலையத்தில், காவலராக பணிபுரிந்து வருகிறார். இவரது நண்பர் வேலூர் மாவட்டத்தை சேர்ந்த ராஜேஷ், வேன் வாங்குவதற்கு கடந்த 2022ம் ஆண்டு பெண் காவலர் ராதிகாவிடம் ₹4 லட்சம் கடன் வாங்கி உள்ளார்.
இதனை திருப்பி கொடுக்காமல் நீண்ட வருடமாக ஏமாற்றி வந்துள்ளார். இதுகுறித்து அமைந்தகரை காவல் நிலையத்தில் நேற்று முன்தினம் ராதிகா புகார் அளித்தார். அதன் பேரில் போலீசார் வழக்கு பதிவு செய்து விசாரணை செய்து வருகின்றனர்.