கொரோனாவிற்கு பிறகு 2021ம் ஆண்டில் 57,622 ஆக இருந்த வெளிநாட்டு சுற்றுலா பயணிகளின் வருகை எண்ணிக்கை 2022ம் ஆண்டில் 4,07,139 ஆக உயர்ந்து, இந்த ஆண்டு 2023ல் ஆகஸ்ட் வரை 7,60,545ஆக அதிகரித்துள்ளது. இதேபோன்று, உள்நாட்டு சுற்றுலா பயணிகளின் எண்ணிக்கை 2021ல் 11,53,36,719 ஆக இருந்து 2022ல் 21,85,84,846 ஆக உயர்ந்து, இந்த ஆண்டு 2023ல் ஆகஸ்ட் வரை 19,11,87,624 என உயர்ந்துள்ளது.
தமிழ்நாட்டிற்கு ஆண்டு முழுவதும் அதிக சுற்றுலா பயணிகள் வரும் வகையில் பல்வேறு சுற்றுலா வளர்ச்சித் திட்டப் பணிகளை அரசு அறிவித்து செயல்படுத்தி வருகிறது. சுற்றுலா வளர்ச்சித் திட்டப்பணிகளை குறித்த காலத்திற்குள் முடித்து மக்கள் பயன்பாட்டிற்கு வரும் வகையில் சுற்றுலா அலுவலர்கள் பணியாற்ற வேண்டும். சுற்றுலா மேம்பாட்டுத் திட்டப்பணிகள், உலக சுற்றுலா பயணிகளின் விருப்பமான முக்கிய சுற்றுலாத்தலமாக தமிழ்நாட்டை உருவாக்க வேண்டும்.
இவ்வாறு அவர் பேசினார். கூட்டத்தில் சுற்றுலாத்துறை செயலாளர் மணிவாசன், இயக்குநர் காகர்லா உஷா, பொதுமேலாளர் கமலா உள்பட சுற்றுலாத்துறை உதவி இயக்குநர்கள், மாவட்ட சுற்றுலா அலுவலர்கள், தமிழ்நாடு சுற்றுலா வளர்ச்சிக் கழக மண்டல மேலாளர்கள், உதவி செயற்பொறியாளர்கள் கலந்து கொண்டனர்.