இதில் 25வது நிமிடத்தில், ஸ்லோவாக்கியாவின் இவான் ஷ்ரான்ஸ் கோல் அடித்து முன்னிலை ஏற்படுத்தினார். இதற்கு பதிலடி கொடுக்க இங்கிலாந்து வீரர்கள் கடுமையாக போராடினர். ஆட்டம் கடைசி நிமிடத்தை நோக்கி நகர்ந்த நிலையில், 91வது நிமிடத்தில் இங்கிலாந்து அணியின் வாக்கர் கொடுத்த த்ரோவை, மார்க் க்யூஹி அசிஸ்ட் செய்ய, பை-சைக்கிள் கிக் மூலமாக பெல்லிங்கம் கோலாக்கினார். இதன் மூலமாக ஆட்டம் 1-1 என்ற நிலைக்கு வந்தது. இதன்பின் அளிக்கப்பட்ட கூடுதல் நேரத்தில் இங்கிலாந்து அணியின் நட்சத்திர வீரர் ஹாரி கேன் 2வது கோலை அடித்தார். முடிவில் இங்கிலாந்து 2-1 என்ற கோல் கணக்கில் வெற்றிபெற்று காலிறுதிக்கு தகுதி பெற்றது. இன்று இரவு 9.30 மணிக்கு பிரான்ஸ்-பெல்ஜியம், இரவு 12.30 மணிக்கு போர்ச்சுக்கல்-ஸ்லோவேனியா அணிகள் மோதுகின்றன.