மேலும் கூடுதலாக வழங்கப்பட்ட 3வது நிடத்தில் (ஆட்டத்தின் 93வது நிமிடம்) அவர் தனது 2வது கோலை அடித்தார். ருமேனியா வீரர்கள் கடைசி வரை போராடியும் ஆறுதல் கோல் கூடஅடிக்க முடியவில்லை. இதனால் 3-0 என்ற கோல் கணக்கில் நெதர்லாந்து வெற்றி பெற்று கால்இறுதிக்கு பெற்றது. தொடர்ந்து நேற்றிரவு 12.30 மணிக்கு நடந்த ரவுன்ட் 16 சுற்றின் கடைசிபோட்டியில், 42வது ரேங்கில் உள்ள துருக்கி , 25வது இடத்தில் உள்ள ஆஸ்திரியா அணிகள் மோதின. இதில் ஆட்டம் தொடங்கிய 58 வினாடிகளிலேயே துருக்கியின் மெரிஹ் டெமிரல் கோல் அடித்தார். முதல் பாதியில் 1-0என துருக்கி முன்னிலை வகித்தது.
2வது பாதியில் ஆட்டத்தின் 59வது நிமிடத்தி்ல் மெரிஹ் டெமிரல் தனது 2வது கோலை அடித்தார். இதனால் 2-0 என துருக்கி முன்னிலை பெற்ற நிலையில், ஆஸ்திரியாவின் மைக்கேல் கிரிகோரிட்ச், 66வது நிமிடத்தில் கோல் அடித்தார். தொடர்ந்து அந்த அணியின் கோல் முயற்சிகளை கடைசி நேரத்தில் துருக்கி கோல் கீப்பர் மெர்ட் குனோக் சிறப்பாக செயல்பட்டு தடுத்து நிறுத்தினார். முடிவில் 2-1 என்ற கோல் கணக்கில் துருக்கி வெற்றிபெற்று கால்இறுதிக்குள் நுழைந்தது. கால்இறுதிபோட்டியில் துருக்கி-நெதர்லாந்துடன் மோதுகிறது.