தனஞ்ஜெயா டி சில்வா தலைமையிலான இலங்கை அணி 2வது இன்னிங்சில் காட்டிய வேகத்தை முதல் இன்னிங்சிலும் காட்டியிருந்தால் டிரா செய்திருக்கலாம். குசால் மெண்டிஸ், விஷ்வா பெர்னாண்டோவுக்கு பதிலாக பதும் நிசங்கா, லாகிரு குமாரா சேர்க்கப்பட்டுள்ளனர். அறிமுக போட்டியிலேயே அரை சதம் விளாசிய மிலன் ரத்ணநாயகே (72ரன்), கேப்டன் தனஞ்ஜெயா, ஏஞ்சலோ மேத்யூஸ், தினேஷ் சண்டிமல், 2வது இன்னிங்சில் சதமடித்த கமிந்து மெண்டிஸ் ஆகியோர் சிறப்பாக விளையாடினால் இங்கிலாந்துக்கு நெருக்கடி கொடுக்கலாம். தொடரை கைப்பற்ற இங்கிலாந்தும், பதிலடி கொடுக்க இலங்கையும் வரிந்துகட்டுவதால் லார்ட்ஸ் டெஸ்டில் அனல் பறப்பது உறுதி.