சென்னை: பொறியியல் படிப்பு மாணவர் சேர்க்கைக்கான தரவரிசைப் பட்டியல் ஜூலை 10ம் தேதி வெளியிடப்படுகிறது. பொறியியல் கல்லூரிகளில் உள்ள அரசு ஒதுக்கீட்டு பி.இ, பி.டெக்., இடங்களில் சேர்வதற்கு 2,48,848 மாணவர்கள் பதிவு செய்துள்ளனர். கடந்த 2 ஆண்டுகளை ஒப்பிடுகையில் நடப்பாண்டில் பொறியியல் படிப்பில் சேரும் மாணவர்களின் எண்ணிக்கை அதிகரித்துள்ளது. மாணவர்கள் கட்டணம் செலுத்துதல், சான்றிதழ்களை பதிவேற்றம் போன்றவற்றை வரும் 12 ம் தேதி வரை மேற்கொள்ளலாம் என தெரிவிக்கப்பட்டுள்ளது.