டுகாட்டி நிறுவனம் பனிகலே வி2 என்ற மோட்டார் சைக்கிளை முழுமையான கருப்பு வண்ண தீமில் ‘பிளாக் எடிஷன்’ ஆக அறிமுகம் செய்துள்ளது. பனிகலே வி4 பைக்கின் தோற்றத்திலேயே இதுவும் உள்ளது. இதில் 955 சிசி எல்-டிவின் லிக்விட் கூல்டு இன்ஜின் இடம் பெற்றுள்ளது. இது அதிகபட்சமாக 10,750 ஆர்பிஎம்-ல் 155 பிஎச்பி பவரையும், 9,000 ஆர்பிஎம்-ல் 104 என்எம் டார்க்கையும் வெளிப்படுத்தும். 6 ஸ்பீடு கியர் பாக்ஸ் கொண்டது. 4.3 அங்குல டிஎப்டி இன்ஸ்ட்ரூமென்ட் கன்சோல், ரைடிங் மோட், பவர் மோட்கள், கார்னரிங் ஏபிஎஸ், டுகாட்டீ டிராக்ஷன் கண்ட்ரோல், வீலி கன்ட்ரோல் உட்பட பல்வேறு அம்சங்கள் இடம் பெற்றுள்ளன. ஷோரூம் விலை சுமார் ரூ.20.98 லட்சம்.