அந்த மாநிலத்திற்கு தான் ஆப்கானிஸ்தான், பாகிஸ்தான், ஈரானில் இருந்து போதைப்பொருட்கள் வருகிறது. அங்குதான் பிரிக்கப்படுகிறது. அங்குதான் மாபியா கூட்டம் இருக்கிறது. அதோடு ஹெராயினை பதப்படுத்தும் உற்பத்தி அலகுகள் காளான்களை போல் குஜராத்தில் முளைத்துக்கொண்டு, சிறுசிறு தொழிற்சாலைகள் இருக்கிறது. இப்போது கூட காண்ட்லா போர்ட், அதானி போர்ட்டில் 3 மெட்ரிக் டன் போதைப்பொருட்கள் பிடித்திருக்கிறார்கள். அதன் உலக மதிப்பு ₹21 ஆயிரம் கோடி.
இப்படி அந்த மாநிலத்தில் இருந்துதான் மற்ற மாநிலங்களுக்கு போதைப்பொருட்கள் கிடைக்கிறது. ஒரு சர்வேயில், குஜராத்திலும், இமாச்சல பிரதேசத்திலும் போதைப் பொருட்கள் உட்கொண்டு இறக்கிறவர்கள் அதிகம் என சொல்கிறது. முதலில் அவர்கள், அவர்களின் முதுகில் இருக்கிற அழுக்கை எடுக்க வேண்டும்’ என்றார்.