சேலம்: தீபாவளி பண்டிகையின்போது சேலம் மாவட்டம் ஆத்தூருக்கு சிறப்பு பஸ்கள் பெயரில் டவுன் பஸ்கள் இயக்கப் பட்டது. அதில் எருமாபாளையம் கிளையின் தடம் எண்:7 பஸ் சிறப்பு பஸ்சாக இயக்கப்பட்டது. அந்த பஸ்சில் பயணம் செய்தவர்களிடம் ₹57 கட்டணம் வசூலிக்கப்பட்டது. அப்பஸ்சில் பயணம் செய்த ஆத்தூரை சேர்ந்த கம்யூனிஸ்ட் நிர்வாகி முருகேசன், கூடுதல் கட்டணம் வசூலித்ததாகவும், மூன்று மணி நேரத்துக்கு மேல் பஸ்சை ஓட்டியதாகவும் ஆத்தூர் கிளை மேலாளர் வெங்கடேசனிடம் புகார் செய்தார்.
இதுதொடர்பான விசாரணையில் சேலம்-ஆத்தூர் தடத்தில் 56 கிலோ மீட்டருக்கு ₹36 கட்டணம் என குறிப் பிட்டிருந்த நிலையில், கண்டக்டர் செங்கோட்டையன் ₹57 வசூலித்தது தெரியவந்தது. இதனால் கண்டக்டர் செங்கோட்டையன் மீது துறைரீதியிலான நடவடிக்கை எடுக்க மேலாளர் பரிந்துரை செய்தார். இந்த நிலையில் செங்கோட்டையனை சஸ்பெண்ட் செய்து சேலம் போக்குவரத்து கழக பொதுமேலாளர் உத்தரவிட்டார்.