இதனால் அவர்கள் பொய்கை பஸ் நிறுத்தம் வரை நின்றபடியே பயணம் செய்துள்ளனர். அங்கு ஒரு பயணி எழுந்து கொண்டு தனது இருக்கையில் பார்வையற்ற மாற்றுத்திறனாளி தம்பதியை அமர வைத்துள்ளார். பின்னர் பள்ளிகொண்டாவில் மாலை 4.20 மணியளவில் பஸ் நின்றதும் மாற்றுத்திறனாளி தம்பதியினர் கீழே இறங்கினர். அப்போது, டிரைவர் செந்தில் ‘எவ்வளவு நேரம் இறங்குவதற்கு’ எனக்கூறியபடியே அவர்கள் இறங்கும் முன்பே பஸ்சை இயக்கியுள்ளார். இதனால் ராமதாசும் அவரது மனைவியும் நிலை தடுமாறி கீழே விழுந்தனர்.
இதனை யாரோ ஒருவர் தனது செல்போனில் வீடியோ எடுத்து சமூக வலைதளங்களில் பதிவிட்டார். இந்த வீடியோ வைரலாகி அரசு போக்குவரத்துக்கழக டிரைவர், கண்டக்டருக்கு கண்டனங்கள் குவிந்தன. இதையடுத்து, வேலூர் போக்குவரத்து மண்டல பொது மேலாளர் கணபதி விசாரணை நடத்தினார். அதில் டிரைவரும், கண்டக்டரும் மாற்றுத்திறனாளி தம்பதியிடம் அநாகரீகமாக நடந்தது தெரிய வந்தது. இதையடுத்து டிரைவர் செந்தில், கண்டக்டர் பிரபு ஆகியோரை நேற்று சஸ்பெண்ட் செய்து உத்தரவிட்டார்.