மாணவர்களின் கற்றல் மற்றும் புத்தாக்கத் திறன்களை வளர்ப்பதில் கல்வியாளர்கள் முக்கியப் பங்கு வகிக்கின்றனர். ஆசிரியர்கள் கற்றல் சிக்கலைத் தீர்க்கும் திட்ட அடிப்படையிலான செயல்பாடுகள் மற்றும் கூட்டுத் திட்டங்களைப் பாடத்திட்டத்தில் இணைப்பதன் மூலம், மாணவர்களிடம் திறன்களை வளர்க்கவும் பயிற்சி செய்யவும் வாய்ப்புகளை வழங்கமுடியும். கூடுதலாகக் கற்றல் செயல்பாட்டில் தொழில்நுட்பத்தை ஒருங்கிணைப்பதன் மூலம் விமர்சன ரீதியாகவும் ஆக்கப்பூர்வமாகவும் சிந்திக்கும் மாணவர்களின் திறனை மேம்படுத்த முடியும். கல்வி சார்ந்த பயன்பாடுகள், வெர்ச்சுவல் ரியாலிட்டி ஸ்டிமுலேஷன்கள் மற்றும் ஆன்லைன் கூட்டுத் தளங்கள் போன்றவற்றைப் பயன்படுத்தும்போது மாணவர்கள் கற்றலில் முழுமையாக ஈடுபடுவதற்குப் புதிய வழிகளை வழங்க முடியும்.
மாணவர்களுக்கான கற்றல் மற்றும் புத்தாக்கத் திறன்களை வளர்ப்பதில் கல்வியாளர்களைப்போலவே பள்ளிகளும் முக்கியப் பங்கு வகிக்கின்றன. ஒரு சாதகமான சூழலை உருவாக்குவதன் மூலமும், பயனுள்ள உத்திகளைச் செயல்படுத்துவதன் மூலமும், கல்வியாளர்கள் மாணவர்களின் தனித்திறன்களை வளர்க்கலாம்.
ஆர்வமுள்ள தலைப்புகளை மாணவர்கள் ஆராய்வதற்கான வாய்ப்புகளை வழங்குவதன் மூலமும் பள்ளிகள் கற்றல் ஆர்வத்தை ஊக்குவிக்கலாம். ஆசிரியர்கள் கலந்துரையாடல்களை எளிதாக்கலாம். கலை, இசை, நாடகம் ஆகியவற்றைப் பாடத்திட்டத்தில் இணைத்து படைப்பாற்றலைப் பள்ளிகள் வளர்க்கலாம். மாணவர்களின் திறனை ஆக்கப்பூர்வமாக வெளிப்படுத்த ஊக்குவிப்பது, அவர்களின் சிந்தனைத் திறனை வளர்க்கவும், புதுமையான யோசனைகளைக் கொண்டு வரவும் உதவுகிறது.
ஒரு பொதுவான இலக்கை நோக்கி மாணவர்கள் ஒன்றிணைந்து செயல்பட வேண்டிய குழுத் திட்டங்கள் மற்றும் செயல்பாடுகளை ஊக்குவிப்பதன் மூலம் பள்ளிகள் ஒத்துழைப்பை ஊக்குவிக்க முடியும். இது அவர்களின் தொடர்பு மற்றும் குழுப்பணித் திறன்களை வளர்க்க உதவுகிறது. இந்த உத்திகளைச் செயல்படுத்துவதன் மூலம், பள்ளிகள் மாணவர்கள் பள்ளி, வேலை மற்றும் வாழ்க்கையில் வெற்றிபெற தேவையான புதுமை மற்றும் கற்றல் திறன்களை வளர்க்கப் பெரிதும் உதவும்.