புதுடெல்லி: டெல்லியில் விமான நிலைய விரைவு வழித்தடத்தை தவிர பிற வழித்தடங்களில் மதுபாட்டில்கள் எடுத்து செல்ல தடை விதிக்கப்பட்டிருந்தது. இந்நிலையில் அனைத்து வழித்தடங்களிலும் ஒரு நபர் 2 மதுபாட்டில்களை எடுத்து செல்ல மெட்ரோ நிர்வாகம் அனுமதி அளித்துள்ளது. அதில் டெல்லி மெட்ரோ ரயிலின் அனைத்து வழித்தடங்களிலும் ஒருவர் சீலிடப்பட்ட 2 மதுபாட்டில்களை எடுத்து செல்ல அனுமதி அளிக்கப்படுகிறது. ஆனால் டெல்லி மெட்ரோ ரயில்களில் மது அருந்துவது கண்டிப்பாக தடை செய்யப்பட்டுள்ளது என்று தெரிவித்துள்ளது.