ரிஷிகேஷ்: இமாச்சல பிரதேசத்தில் சமீபத்தில் நடந்த மாநிலங்களவை தேர்தலில் ஆளும் காங்கிரசின் 6 எம்எல்ஏக்களும், 3 சுயேச்சை எம்எல்ஏக்களும் கட்சி மாறி பாஜ வேட்பாளருக்கு வாக்களித்தனர். இதனால், உடனடியாக கட்சி தாவல் தடை சட்டத்தின் கீழ், கட்சி மாறி வாக்களித்த 6 எம்எல்ஏக்களை காங்கிரஸ் தகுதி நீக்கம் செய்து நடவடிக்கை எடுத்தது.
இந்நிலையில், தகுதி நீக்கம் செய்யப்பட்ட 6 எம்எல்ஏக்களும் தங்களுக்கு எதிரான நடவடிக்கையை எதிர்த்து உச்ச நீதிமன்றத்தை நாடி உள்ள நிலையில் நேற்று தகுதி நீக்கம் செய்யப்பட்ட 6 எம்எல்ஏக்கள், 3 சுயேச்சைகளுடன் பாஜவை சேர்ந்த 2 எம்எல்ஏக்கள் என 11 பேரும் உத்தரகாண்ட் சென்றதால் மீண்டும் பரபரப்பு ஏற்பட்டுள்ளது