சென்னை: முதலமைச்சரின் தனிப்பிரிவில் புகார் அளித்த ஒப்பந்த ஊழியர்களை சேலம் பெரியார் பல்கலைக்கழக நிர்வாகம் மிரட்டுவதாக குற்றச்சாட்டு தெரிவிக்கப்பட்டுள்ளது. ஒப்பந்த ஊழியர்களை மிரட்டும் வகையில் விசாரணைக்கு ஆஜராக பல்கலைக்கழக நிர்வாகம் அழைப்பாணை அனுப்பியுள்ளது. ஜூலை 15-ம் தேதி காலை 11 மணிக்கு ஆஜராகி விளக்கம் அளிக்க வேண்டும் என பல்கலை. நிர்வாகம் சுற்றறிக்கை அனுப்பியுள்ளது. தீனதயாள் உபாத்யாய் திட்டத்தின் கீழ் பணியாற்றிய பல்வேறு நிலையிலான ஒப்பந்த அலுவலர்களுக்கு உரிய சம்பளம் வழங்கப்படவில்லை என புகார் அளிக்கப்பட்டது.