கடந்த மாதம் 16ம் தேதி சுபாஷ் நண்பர்களுடன் பெங்களூரு சென்று நகைகளை கொடுத்துவிட்டு 595.14 கிராம் தங்கக்கட்டிகளையும், நகைகள் விற்ற ரூ.10 லட்சத்து 10 ஆயிரத்து 200 பணத்தையும் எடுத்துக் கொண்டு குர்லா எக்ஸ்பிரஸ் ரயிலில் பெங்களூருவில் இருந்து கோவைக்கு வந்து கொண்டிருந்தார். திருப்பூர் ரயில் நிலையத்தில் ரயில் நின்று மீண்டும் புறப்பட்டபோது 20, 25 வயது மதிக்கத்தக்க 4 பேர் அவரது பையை கொள்ளையடித்து சென்றனர்.
புகாரின்படி திருப்பூர் ரயில்வே போலீசார் 4 தனிப்படை அமைத்து கொள்ளையரை தேடி வந்த நிலையில் நேற்று சேலம் புதிய பேருந்து நிலையத்தில் 6 பேரை சுற்றிவளைத்தனர். விசாரணையில் அவர்கள் மகாராஷ்டிரா மாநிலம் சோலாப்பூரை சேர்ந்த ஸ்வன்பானி சாவன் (22), விஜய் குண்டாலக் ஜாங்கலே (20), அமர்பாரத் நிம்ஹிர் (20), அன்கீத் சுபாஷ்மான் (23), சைதன்யா விஜய் ஷிண்டே (20), கவுரவ் மாரூதி (19) என்பதும், வியாபாரி பெங்களூருவில் இருந்து நகைகளை கொடுத்துவிட்டு ரயிலில் பணம், தங்க கட்டிகளுடன் வருவதை நோட்டமிட்டு கொள்ளையடித்தவர்கள் என்றும் தெரியவந்தது. அவர்களை கைது செய்து, 595.14 கிராம் தங்க கட்டிகள் மற்றும் ரூ.8.46 லட்சம், ஐபோன் ஆகியவற்றை கைப்பற்றினர்.