புதுடெல்லி: சட்டீஸ்கரில் நிலக்கரி சுரங்க ஒதுக்கீட்டில் நடந்த முறைகேடுகள் தொடர்பாக முன்னாள் எம்பி விஜய் தர்தா, அவரது மகன் தேவேந்தர் தர்தா, தொழிலதிபர் மனோஜ் குமார் ஜெய்ஸ்வால் ஆகியோருக்கு டெல்லி சிறப்பு நீதிமன்றம் 4 ஆண்டு சிறை தண்டனை விதித்து தீர்ப்பளித்தது. இதை எதிர்த்து, டெல்லி உயர்நீதிமன்றத்தில் 3 பேரும் மேல்முறையீடு செய்தனர். இந்த மனு நீதிபதி தினேஷ் குமார் சர்மா முன்னிலையில் நேற்று விசாரணைக்கு வந்தது. அப்போது,இது தொடர்பாக பதிலளிக்கும்படி சிபிஐக்கு உத்தரவிட்ட நீதிபதி சர்மா, விஜய் தர்தா, தேவேந்தர் மற்றும் மனோஜ் குமாருக்கு இடைக்கால ஜாமீன் வழங்கி உத்தரவிட்டார்.