சீனாவில் பெய்த கனமழையால் 11.5 லட்சம் பேர் பாதிப்பு

பெய்ஜிங்: சீனாவின் ஹுனான் மாகாணத்தில் பெய்த கனமழையால் 11.5 லட்சம் மக்கள் பாதிக்கப்பட்டுள்ளனர். இதனால் சுமார் 6.13 பில்லியன் யுவான் (சுமார் $859.75 மில்லியன்) நேரடி பொருளாதார இழப்பு ஏற்பட்டுள்ளதாக அதிகாரிகள் தெரிவித்தனர். சூறாவளி மற்றும் கனமழையால் 95,000 பேர் பாதுகாப்பான இடங்களில் தங்கவைக்கப்பட்டுள்ளனர்.

1,07,500 ஹெக்டேர் பயிர்கள் நாசமாகியுள்ளன; 17,100 ஹெக்டேர் பயிர்கள் முற்றிலும் சேதமடைந்துள்ளன. வடமேற்கு ஹுனானில் அடுத்த ஓரிரு நாட்களுக்கு கனமழை பெய்யும் என வானிலை ஆய்வு மையம் அறிவித்துள்ளது.