எம்.பி.பி.எஸ். மட்டுமல்லாது பொறியியல், தொழில்நுட்பப் படிப்புகளில் இளநிலை பட்டங்களுக்கும் ஸ்பாட் அட்மிஷன் வழங்கப்பட உள்ளது. மேலும் ஜூன் 25ம் தேதி மதுரை ரெசிடென்சி ஹோட்டலிலும், ஜூன் 26 திருச்சி ஃபெமினா ஹோட்டலிலும், ஜூன் 27 சேலம் ஜி.ஆர்.டி. ஸைப் ஹோட்டலிலும், ஜூன் 28 கோவை தி கிராண்ட் ரீஜெண்டிலும் இந்தக் கண்காட்சி நடைபெற உள்ளது. கடந்த காலங்களைப் போலவே, ரஷ்ய அரசாங்கத்தின் வருடாந்திர உதவித்தொகை திட்டம் வழியாக இந்த ஆண்டும் 200 இந்திய மாணவர்களுக்கு 100% உதவித்தொகை வழங்கப்படும். இதன் மூலம் ரஷ்யாவின் முன்னணி பல்கலைக்கழகங்களில் இளநிலை, முதுநிலை, பட்ட மேற்படிப்புத் திட்டங்களை இலவசமாக அவர்கள் படிக்க முடியும் என தென்னிந்தியாவுக்கான ரஷ்ய தூதரகத்தினர் தெரிவித்துள்ளனர்.