மேலும் சுரேசை அவரது மனைவியே கள்ளக்காதலனுடன் சேர்ந்து கொன்றது கண்டுபிடிக்கப்பட்டது. இதுபற்றி போலீஸ் தரப்பில் கூறப்படுவதாவது: சுரேசுக்கு அனுப்பிரியா(30) என்ற மனைவி, 13 வயதில் மகள், 10 வயதில் மகன் உள்ளனர். சுரேஷ் சென்னை கோயம்பேடு மார்க்கெட்டில் பூ கட்டும் தொழில் செய்து வந்தார். அனுப்பிரியாவின் சித்தப்பா மகனான ஆலவாயை சேர்ந்தவர் வேல்முருகன்(33). இவர் தங்கை என்ற முறையில் அனுப்பிரியா வீட்டுக்கு அடிக்கடி வந்து சென்றார். நாளடைவில் இருவருக்கும் பழக்கம் அதிகமாகி கடந்த 2 ஆண்டுகளாக தகாத உறவில் ஈடுபட்டு வந்துள்ளனர். இதுகுறித்து தெரிந்ததால் மனைவியை சுரேஷ் பலமுறை கண்டித்துள்ளார். இதனால் சுரேஷை கொலை செய்ய காதலன் வேல்முருகனுடன் அனுப்பிரியா திட்டமிட்டார்.
தீபாவளி பண்டிகைக்காக குழந்தைகளுக்கு புத்தாடை எடுத்து கொடுக்க வாருங்கள் என்று கடந்த 29ம் தேதி கணவர் சுரேஷை அனுப்பிரியா வரவழைத்தார். அதன்படி வந்த அவரை, அன்றிரவு இருசக்கர வாகனத்தில் வடகடல் கிராமத்துக்கு வெண்மான் கொண்டான் வழியாக கணவரை அனுப்பிரியா அழைத்து சென்றார். வெண்மான்கொண்டான் செல்லும் சாலையில் அரசுக்கு சொந்தமான முந்திரி தோப்பு அருகே சென்றபோது தனக்கு மயக்கம் வருவதாக கூறி வண்டியை நிறுத்துமாறு அனுப்பிரியா கூறினார்.
இதையடுத்து பைக்கை நிறுத்தி விட்டு சுரேஷ் கீழே இறங்கி நின்றார். அப்போது முந்திரி தோப்பில் மறைந்திருந்த வேல்முருகன், வந்து சுரேஷை சரமாரியாக வெட்டி ெகாலை செய்தார். பின்னர் வெண்மான்கொண்டான் முந்திரி காட்டில் சாக்கில் சுரேஷ் உடலை கட்டி பெட்ரோல் ஊற்றி எரித்தனர். இவ்வாறு போலீசார் கூறினர். இதையடுத்து வேல்முருகன், அனுப்பிரியா ஆகியோரை நேற்று கைது செய்து போலீசார் விசாரித்து வருகின்றனர்.