இதனால், இடநெருக்கடியுடன் மாணவ, மாணவிகள் படித்து வருவதாகவும் சொல்லப்படுகிறது. குறிப்பாக, சுமார் 50 ஆண்டுகளுக்கு முன் கட்டப்பட்ட பழைய கட்டிடங்களில் வகுப்பறைகள் செயல்பட்டு வருவதால் கடும் அவதிப்படுவதாகவும் குற்றச்சாட்டு எழுந்துள்ளது. நகர்ப்புற மாணவர்ளை விட, கிராமப்புற மாணவர்கள் அதிகமாக படித்து வருவதால் கூடுதல் வகுப்பறைகள் கட்டித்தர ஆர்வம் கட்டப்படவில்லை என சமூக ஆர்வலர்கள் தரப்பில் கூறப்படுகிறது. இது குறித்து கல்லூரி தரப்பில், கூடுதலாக 30 வகுப்பறைகள், கலையரங்கம், பாதுகாவலர்கள் உள்ளிட்ட பல்வேறு வசதிகள் செய்து தரக்கோரி கல்லூரி நிர்வாகம் கருத்துரு அனுப்பி உள்ளதாகவும் கூறப்படுகிறது.
மாணவர்களின் நலன் கருதி, செங்கல்பட்டு எம்எல்ஏ வரலட்சுமி மதுசூதனன், எம்பி செல்வம் ஆகியோரின் தொகுதி மேம்பாட்டு திட்டத்தில் வகுப்பறைகள் கட்ட நிதி உதவி வழங்கக்கோரி கல்லூரி நிர்வாகம் மற்றும் மாணவ, மாணவியர் கோரிக்கை வைத்துள்ளனர். எனவே, மாணவர்கள் நலன்கருதி, கூடுதல் வகுப்பறைகள் உள்ளிட்ட வசதிகள் செய்ய அரசு மற்றும் மாவட்டநிர்வாகம் நடவடிக்கை எடுக்க வேண்டும் என மாணவ, மாணவிகள் கோரிக்கை வைத்துள்ளனர்.