தொடர்ந்து சிபிஐ தரப்பில் ஆஜரான கூடுதல் சொலிசிட்டர் ஜெனரல் ராஜூ, “இந்த விவகாரத்தில் முதலில் கெஜ்ரிவால் செஷன்ஸ் நீதிமன்றத்துக்கு செல்லாமல் நேரடியாக உயர் நீதிமன்றத்துக்கு ஏன் சென்றார் என்பது முக்கிய கேள்வியாக உள்ளது. எனவே அரவிந்த் கெஜ்ரிவாலின் இந்த ஜாமீன் மனுவை உச்ச நீதிமன்றம் ஏற்க கூடாது” என்று தெரிவித்தார். அனைத்து தரப்பு வாதங்களையும் கேட்ட நீதிபதிகள், “அரவிந்த் கெஜ்ரிவால் வழக்கை பொறுத்தவரை மூன்று பாரா உத்தரவை எழுதவா உயர் நீதிமன்றம் ஏழு நாட்கள் அவகாசம் எடுத்து கொண்டது வழக்கில் முக்கிய கேள்வியாக உள்ளது. குறைந்தபட்சம் நோட்டீஸ் பிறப்பிக்காமல் அன்றைய தினமே உத்தரவு பிறப்பித்திருக்க வேண்டும். அதனை செய்ய உயர் நீதிமன்றம் தவறி விட்டது ” என்று தெரிவித்த நீதிபதிகள், வழக்கின் தீர்ப்பை ஒத்தி வைத்தனர்.