பீன்ஸ் தேங்காய்ப்பால் பொரியல்

தேவையானவை:

பீன்ஸ் – அரை கிலோ,
பெரிய வெங்காயம் – 2,
மிளகாய்த் தூள் – 1 டீஸ்பூன்,
கெட்டி தேங்காய்ப்பால் – அரை கப்,
பூண்டு 4 பல், உப்பு – தேவைக்கு,
எண்ணெய் – ஒன்றரை டேபிள் ஸ்பூன்

செய்முறை :

பீன்ஸை குறுக்குவாக்கில் ஒரு அங்குலத் துண்டுகளாக நறுக்கி, தேவையான உப்பு சேர்த்து வேக வைத்தெடுங்கள். (அரை கப் தண்ணீர் விட்டு குக்கரில் போட்டு ஒரு விசில் வந்ததும் ஆவியை நீக்கி, நீரை வடித்து விட்டு காயை எடுத்து வைத்தால் காய் சரியான பதத்தில் வெந்திருக்கும்) பூண்டை நசுக்குங்கள்.வெங்காயத்தை நீள வாக்கில் நறுக்குங்கள். எண்ணெயைச் சூடாக்கி வெங்காயம், பூண்டு ஒரு சிட்டிகை உப்பு சேர்த்து வதக்குங்கள். சிறிது வதங்கியதும் வெந்த பீன்ஸ், தேங்காய்ப் பால், மிளகாய்த் தூள் சேர்த்து தேங்காய்ப் பால் வற்றும் வரை கிளறி இறக்குங்கள்.