வாழைத்தண்டு மிக்ஸட் சாலட்

தேவையானவை:

இளம் வாழைத்தண்டு நாரின்றி நறுக்கியது – 1 கப்,
வேகவிட்ட வேர்க்கடலை – 50 கிராம்,
பொடியாக நறுக்கிய கேரட், வெங்காயம், வெள்ளரி, மாங்காய் சேர்த்து – 1 கப்,
தேங்காய் துருவல் ¼ கப்,
உப்பு – தேவையான அளவு,
மல்லி, புதினா நறுக்கியது – ¼ கப்,
பொடியாக நறுக்கிய சற்றே பழமான தக்காளி – 1,
எலுமிச்சை சாறு – 1 பழம்.

தாளிக்க:

நெய் – 2 டீஸ்பூன்,
கடுகு – ¼ டீஸ்பூன்,
பச்சை மிளகாய் – 2,
மிளகாய் பொடி – ¼ டீஸ்பூன்,
பெருங்காயம் – சிறிது.

செய்முறை:

வாணலியில் நெய் சூடாக்கி தாளிக்கும் பொருட்களை கொண்டு தாளித்து ஆறவிடவும். இதர சாலட்டுக்கான பொருட்களை ஒரு பெரிய கண்ணாடி பாத்திரத்தில் சேர்த்து நன்கு கலந்து ஆறவிட்ட தாளிப்பைச் சேர்த்து பரிமாறவும்.