இதனால் ஆத்திரமடைந்த மோகன், டேனியல் மற்றும் அவரது கூட்டாளிகள் சேர்ந்து அழகு முருகனை சரமாரியாக வெட்டினர். இதில் அழகு முருகன் சம்பவ இடத்திலேயே உயிரிழந்தார். இந்த கொலை தொடர்பாக பிரபல ரவுடிகளான மோகன் (25), டேனியல் (23), மற்றும் 17 வயது சிறுவர்கள் 3 பேர் என மொத்தம் 5 பேரை ஜெ.ஜெ.நகர் போலீசார் கைது செய்து சிறையில் அடைத்தனர். இந்த வழக்கு விசாரணை பூந்தமல்லியில் உள்ள கூடுதல் மாவட்ட அமர்வு நீதிமன்றம் 3ல் நடந்து வந்த நிலையில், நேற்று மீண்டும் வழக்கு விசாரணைக்கு வந்தது. வழக்கை நீதிபதி பாலகிருஷ்ணன் விசாரித்தார்.
பின்னர், குற்றச்சாட்டு நிரூபிக்கப்பட்டதால் மோகன், டேனியல் ஆகிய 2 பேருக்கும் ஆயுள் தண்டனை விதித்தும், மோகனுக்கு ரூ.16 ஆயிரம், டேனியலுக்கு ரூ.11 ஆயிரம் அபராதம் விதித்தும் தீர்ப்பளித்தார். அபராதம் கட்ட தவறினால் மேலும் ஓராண்டு சிறை தண்டனை அனுபவிக்க வேண்டும் என்று தீர்ப்பளித்தார். இந்த வழக்கில் அரசு தரப்பில் வழக்கறிஞர் பாலமுருகன் ஆஜராகி வாதாடினார். ஆயுள் தண்டனை பெற்ற இருவரும் ஏ கேட்டகிரி ரவுடிகள் என்பதும், கைது செய்யப்பட்ட இளம் சிறார்கள் 3 பேரில் ஒருவன் கொலை செய்யப்பட்ட நிலையில் மற்ற 2 பேர் மீதும் திருவள்ளூர் நீதிமன்றத்தில் வழக்கு விசாரணை நடந்து வருவதும் குறிப்பிடத்தக்கது.