சட்டசபையில் கேள்வி நேரத்தின் போது திரு.வி.க. நகர் எம்எல்ஏ பி.தாயகம்கவி பேசுகையில், ‘தமிழ்நாட்டில் எத்தனை கோயிலில் அன்னதானம் வழங்கப்படுகிறது’ என்றார். அமைச்சர் பி.கே.சேகர்பாபு பேசுகையில், ‘ முதல்வர் மு.க.ஸ்டாலின் தலைமையிலான அரசில் 10 கோயில்களில் செயல்படுத்த உத்தரவிட்டு 764 கோயிலில் இன்றைக்கு அன்னதானத் திட்டம் செயல்பட்டு வருகிறது. நாள் முழுவதும் அன்னதான திட்டம் என்பது கடந்த காலங்களில் பழனி மற்றும் ரங்கம் ஆகிய 2 கோயில்களில் மட்டும் இருந்தது.
முதல்வர் மு.க.ஸ்டாலின் பொறுப்பேற்ற பிறகு கூடுதலாக 6 கோயில்களுக்கு நாள் முழுவதும் அன்னதான திட்டத்தை விரிவுபடுத்தி 8 கோயில்களில் அன்னதான திட்டம் நடந்து கொண்டிருக்கிறது. 82 ஆயிரம் பக்தர்கள் பயனடைகிறார்கள். மேலும், தைப்பூசம், பங்குனி உத்திரம் போன்ற நாட்களில் பழனியில் அன்னதானம், நெல்லையப்பர் கோயிலில் விசேஷ காலங்களில் 31 நாட்களில் அன்னதானம் என்று ரூ105 கோடி செலவாகிறது.