மேலும், இதுகுறித்து வழக்கு பதிவு செய்து, சம்பவ இடத்தில் உள்ள சிசிடிவி கேமரா பதிவுகளை ஆய்வு செய்தபோது, கன்னியப்பன் கடந்த 16ம் தேதி இரவு, அம்பேத்கர் சிலை அருகே மெட்ரோ ரயில் கட்டுமான பணிக்காக அமைக்கப்பட்ட தடுப்புகள் அருகே, திருநங்கை உட்பட 4 பேருடன் மது அருந்தியதும், அதன் பிறகு கன்னியப்பனை தவிர மற்ற 3 பேர் மட்டும் அங்கிருந்து சென்ற காட்சிகள் பதிவாகி இருந்தது. அதனை தொடர்ந்து போலீசார் சிசிடிவி பதிவுகளை வைத்து, போதையில் ஏற்பட்ட தகராறில் திருநங்கை உட்பட 3 பேர் கன்னியப்பனை கொலை செய்து இருக்கலாம் என்ற கோணத்தில், அவர்களை பிடித்து விசாரித்து வருகின்றனர்.