Wednesday, July 3, 2024
Home » அதிமுக பெயரை பயன்படுத்த தடை கோரி பழனிசாமி வழக்கு தொடர முடியாது, கட்சி தான் வழக்கு தொடர முடியும் : ஓபிஎஸ் வாதம்

அதிமுக பெயரை பயன்படுத்த தடை கோரி பழனிசாமி வழக்கு தொடர முடியாது, கட்சி தான் வழக்கு தொடர முடியும் : ஓபிஎஸ் வாதம்

by Porselvi

சென்னை: அதிமுக கட்சி பெயர், சின்னத்தை பயன்படுத்த தடை விதித்ததை எதிர்த்து ஓ பன்னீர் செல்வம் தாக்கல் செய்த மனுவின் தீர்ப்பு ஒத்திவைக்கப்பட்டது. அதிமுகவில் ஒற்றை தலைமையை கொண்டு வந்த தீர்மானத்துக்கும், ஓ.பன்னீர்செல்வம் உள்பட நான்கு பேரை நீக்கிய தீர்மானத்துக்கும் தடை விதிக்க சென்னை உயர் நீதிமன்றம் மறுத்த நிலையில், அதிமுக கட்சி, சின்னம் ஆகியவற்றை பன்னீர்செல்வம் தரப்பினர் தொடர்ந்து பயன்படுத்த தடை விதிக்கக் கோரி கட்சியின் பொதுச் செயலாளர் எடப்பாடி பழனிசாமி சென்னை உயர் நீதிமன்றத்தில் மனுத்தாக்கல் செய்திருந்தார்.

இந்த மனுவை விசாரித்த நீதிபதி என்.சதீஷ்குமார், அதிமுக பெயர், கொடி, சின்னம், லெட்டர் பேட் ஆகியவற்றை பயன்படுத்த கட்சியிலிருந்து நீக்கப்பட்ட ஒ.பன்னீர்செல்வத்திற்கு இடைக்காலத் தடை விதிக்கப்படுகிறது என்று உத்தரவிட்டார். இந்த உத்தரவை எதிர்த்து ஓ.பன்னீர்செல்வம் சார்பில் வழக்கறிஞர் ராஜலட்சுமி மேல்முறையீட்டு மனு தாக்கல் செய்தார்.இந்த நிலையில், ஓபிஎஸ் வழக்கு நீதிபதிகள் மகாதேவன், முகமது சபீக் ஆகியோர் அடங்கிய அமர்வில் இன்று விசாரணைக்கு வந்தது.

அப்போது ஓ பன்னீர் தரப்பு ஆஜரான வழக்கறிஞர், “அதிமுக கொடி சின்னம் பயன்படுத்த விதித்த உத்தரவை ரத்து செய்ய வேண்டும்.தனது ஆதரவாளர்களாக உள்ள தொண்டர்கள் நீக்கப்படாத நிலையில் எப்படி தடை விதிக்க முடியும்?.எந்த காரணமும் குறிப்பிடாமல் அதிமுக கொடி, சின்னத்தை பயன்படுத்த விதித்த தடை செல்லத்தக்கதல்ல. அதிமுக பெயரை பயன்படுத்த தடை கோரி பழனிசாமி வழக்கு தொடர முடியாது, கட்சி தான் வழக்கு தொடர முடியும். தங்கள் தரப்பு வாதங்களை கேட்காமலேயே இடைக்கால தடை விதித்தது தவறு. ,”என வாதிட்டார். தொடர்ந்து எடப்பாடி பழனிசாமி தரப்பில் ஆஜரான வழக்கறிஞர், “அதிமுகவில் உறுப்பினராக இல்லாத போது, எப்படி கொடி, சின்னத்தை பயன்படுத்த முடியும்?.ஓ பன்னீர் செல்வம் தொடர்ந்த மேல்முறையீட்டு மனு விசாரணைக்கு உகந்ததல்ல. ஓபிஎஸுக்கு லட்சக்கணக்கான ஆதரவாளர்கள் இல்லை. முகம் தெரியாத அவர்களை கருத்தில் கொள்ள முடியாது,”என வாதிட்டார். இருதரப்பு வாதங்களையும் கேட்ட நீதிபதிகள், வழக்கின் தீர்ப்பை ஒத்திவைத்தனர்.

You may also like

Leave a Comment

12 + seven =

Dinakaran is a Tamil daily newspaper distributed in India. As of March 2010, Dinakaran is the largest Tamil daily newspaper in terms of net paid circulation, which was 1,235,220. In terms of total readership, which was 11.05 Lakhs as of May 2017, it is the second largest. Dinakaran is published from 12 centers in India namely Delhi, Mumbai, Chennai, Bengaluru, Madurai, Coimbatore, Trichy, Salem, Nagercoil, Vellore, Nellai and Pondicherry.

Address

@2024-2025 – Designed and Developed by Sortd.Mobi