இந்த கூட்டணியில் 28 கட்சிகள் இடம் பெற்றுள்ளன. இதனிடையே “இந்தியா கூட்டணி” கட்சிகளுடன் பேச்சுவார்த்தை நடத்த இன்று முதல் பல்வேறு மாநிலங்களுக்கு காங்கிரஸ் தலைவர் மல்லிகார்ஜுன கார்கே பயணம் மேற்கொள்கிறார். தெலுங்கானா, ஒடிசா, பீகார், கேரளா, பஞ்சாப், ஜார்க்கண்ட் மாநிலங்களுக்கும் செல்ல உள்ளார். அந்த வகையில் கார்கே பிப்.13ம் தேதி தமிழ்நாடு வருகை தருகிறார். நாடாளுமன்ற தேர்தல் பணிகள் குறித்து தமிழ்நாடு காங்கிரஸ் கமிட்டி உறுப்பினர்கள் மற்றும் தொண்டர்கள் இடையே பேச உள்ளதாக தகவல் வெளியாகியுள்ளது.
கூட்டணிக் கட்சித் தலைவர்களையும் மல்லிகார்ஜுன கார்கே சந்திக்க வாய்ப்பு உள்ளது. கார்கே தமிழ்நாடு வருகை குறித்த அறிவிப்பு வெளியான நிலையில் அதற்கான ஏற்பாடுகளை மேற்கொள்ள தமிழ்நாடு காங்கிரஸ் கமிட்டி மேற்கொண்டுள்ளது.