தர்மபுரி, ஏப்.13: தர்மபுரி அருகே, துட்டம்பட்டி பாரதி நகர் பகுதியைச் சேர்ந்தவர் சண்முகம் (31). பெயிண்டரான இவர், நேற்று முன்தினம், அதே பகுதியில் உள்ள தண்ணீர் தொட்டியில் குளித்துக் கொண்டிருந்தார். அப்போது, திடீரென மயங்கி விழுந்தார். அவரை அருகில் இருந்தவர்கள் மீட்டு, தர்மபுரி அரசு மருத்துவமனைக்கு கொண்டு சென்றனர். அங்கிருந்த டாக்டர்கள் பரிசோதித்து பார்த்து விட்டு சண்முகம் உயிரிழந்து விட்டதாக தெரிவித்தனர். இதுகுறித்து தர்மபுரி போலீசார் வழக்குப்பதிவு செய்து, விசாரணை நடத்தி வருகின்றனர். உயிரிழந்த சண்முகத்துக்கு ராஜலட்சுமி என்ற மனைவியும், 2 மகன்களும், 1 மகளும் உள்ளனர்.