* டாடா நிறுவனம் ஹாரியர், சபாரி, நெக்சான் ஆகிய கார்களுக்கு ஷோரூம் விலையில் சுமார் ₹1.25 லட்சம் வரை தள்ளுபடி அறிவித்துள்ளது. 2023ம் ஆண்டு தயாரிக்கப்பட்ட கார்களுக்கு மட்டுமே இந்த தள்ளுபடி சலுகை கிடைக்கும். இதில் டாடா சபாரிக்கு அதிகபட்சமாக ₹1.25 லட்சம் வரை தள்ளுபடி கிடைக்கும். இதில், விலையில் தள்ளுபடி மற்றும் எக்ஸ்சேஞ்ச் சலுகைகள் அடங்கும். இதுபோல் டாடா ஹாரியருக்கும் ₹1.25 லட்ம் வரை தள்ளுபடி உண்டு டாடா டியாகோ, டிகோர் ஆகிய கார்களுக்கு ₹75,000 வரை தள்ளுபடி சலுகை கிடைக்கும். எக்ஸ்சேஞ்ச் சலுகை, போனஸ் ஆகியவையும் இதில் அடங்கும். டாடா நெக்சானுக்கு அதிகப்பட்சமாக ₹60,000 வரையிலும், அல்ட்ராசுக்கு ₹45,000 வரையிலும் தள்ளுபடி சலுகை கிடைக்கும்.
* சிட்ரான் நிறுவனம், 2023ம் ஆண்டு தயாரிக்கப்பட்ட சி3 ஏர்கிராஸ்கார்களுக்கு தள்ளுபடி சலுகையை அறிவித்துள்ளது. சி3 ஏர்கிராசுக்கு ₹1.9 லட்சம் வரையிலும், சி3-க்கு ₹1.5 லட்சம் வரையிலும், சி5 ஏர்கிராசுக்கு ₹3.5 லட்சம் வரையிலும் தள்ளுபடி சலுகை கிடைக்கும்.
* ஹோண்டா நிறுவனத்தின் ஹோண்டா சிட்டி கார்களுக்கு ₹1.12 லட்சம் வரை தள்ளுபடி அறிவிக்கப்பட்டுள்ளது. ஷோரூம் விலையில் ₹25,000, எக்ஸ்சேஞ்ச் போனஸ் உள்ளிட்டவை இதில் அடங்கும். இதுபோல், ஹோண்டா சிட்டி இ:எச்இவிக்கு அதிகபட்சம் ₹1 லட்சம் வரையிலும், அமேஸ் காருக்கு ₹92,000 வரையிலும் தள்ளுபடி சலுகை கிடைக்கும். 2023ம் ஆண்டு தயாரிக்கப்பட்ட மேற்கண்ட கார்களுக்கு மட்டுமே இந்த சலுகை உண்டு எனவும், ஹோண்டா எலவேட் காருக்கு தள்ளுபடி சலுகை கிடையாது எனவும் நிறுவன தரப்பில் கூறப்பட்டுள்ளது.