திருச்சி: திருச்சி மாவட்டத்தில் மாநகரில் 15 இடங்களிலும், புறநகர் பகுதிகளில் 30 இடங்களிலும் என மொத்தம் 45 இடங்களில் டெங்கு தடுப்பு சிறப்பு மருத்துவ முகாம் நேற்று நடைபெற்றது. இந்த மருத்துவ முகாமில் ஏராளமான பொதுமக்கள் கலந்து கொண்டு பயன்பெற்றனர். தமிழ்நாட்டில் டெங்கு காய்ச்சல் மற்றும் மழைக்கால தொற்று நோய்களான வயிற்றுப்போக்கு, டைபாய்டு போன்ற நோய்கள் பரவாமல் தடுக்க பல்வேறு நடவடிக்கை எடுக்கப்பட்டு வருகின்றன. இதன்மூலம் தமிழ்நாட்டில் தொற்று நோய்கள் கட்டுப்படுத்தப்பட்டு வருகின்றன. தென்மேற்கு பருவமழை காரணமாக டெங்கு காய்ச்சலை பரப்பும் கொசுக்கள் உற்பத்தியாவதால் மாவட்ட அளவில் தடுப்பு நடவடிக்கைகளை துரிதப்படுத்த அரசு சார்பில் நடவடிக்கை எடுக்கப்பட்டுள்ளது.