பீஜிங்: சீன அதிபர் ஜி ஜின்பிங் அடுத்த ஆண்டு மூன்றாவது முறையாக மீண்டும் அதிபராக பதவியேற்கும் அதிகாரம் உள்பட முக்கிய தீர்மானங்கள் சீன கம்யூனிஸ்ட் கட்சியின் மாநாட்டில் நிறைவேற்றப்பட்டுள்ளது. சீன அதிபராக ஜி ஜின்பிங் பதவி வகிக்கிறார். இந்நிலையில், ஆளும் கம்யூனிஸ்ட் கட்சியின் 4 நாள் மாநாடு நேற்றுடன் முடிந்தது. இதில் 100 ஆண்டுகால வரலாற்றில் இல்லாத அளவுக்கு முக்கிய தீர்மானங்கள் நிறைவேற்றப்பட்டு உள்ளது. மேலும், அதிபர் ஜி ஜின்பிங்குக்கு கூடுதல் அதிகாரங்கள் வழங்கப்பட்டுள்ளது. 2022ம் ஆண்டில் கட்சியின் 20வது தேசிய மாநாட்டை கூட்டி, அதில் ஜி ஜின்பிங்கை 3வது முறையாக அதிபராக தொடர் ஒப்புதல் அளிப்பது போன்ற தீர்மானங்களும் நிறைவேற்றப்பட்டு உள்ளன. கடந்த 9 ஆண்டு பதவி காலத்தில் கட்சியின் நிறுவனரை விட அதிகாரமிக்க சக்தியாக ஜின்பிங் உருவெடுத்துள்ளார் என்பது குறிப்பிடத்தக்கது….