10 ஆண்டாக விவசாயிகளுக்கு வழங்காத ஊக்கத்தொகை உயர்த்தி வழங்கப்பட்டுள்ளது: அமைச்சர் சக்கரபாணி பேச்சு

சென்னை: திண்டுக்கல் மாவட்டம் தாராபுரம் ஒட்டன்சத்திரம் சாலையில் உணவு அமைச்சர் சக்கரபாணி பிரச்சாரம் மேற்கொண்டார். அப்போது அவர் பேசியதாவது: திமுக ஆட்சி பொறுப்பேற்றவுடன் 195 தனியார் அரிசி ஆலைகள் புதிதாக சேர்க்கப்பட்டு தற்போது 571 அரவை முகவர்களுடன் 8 லட்சத்து 48 ஆயிரத்து 321 டன் அரவைத்திறன் உயர்த்தப்பட்டுள்ளது. தற்போது 210 ஆலைகளில் புதிதாக கலர்சாடர்கள் பொருத்தப்பட்டு மொத்தம் 316 அரவை ஆலைகள் கலர்சாடர்களுடன் இயங்கி வருகின்றன.நெல் கொள்முதலில் விவசாயிகளுக்கு ஊக்கத்தொகை குவிண்டால் ஒன்றிற்கு சன்ன ரகத்திற்கு ₹100 மற்றும் பொது ரகத்திற்கு ₹75 உயர்த்தி வழங்கப்பட்டது. கடந்த 10 ஆண்டுகளில் ஊக்கத்தொகை எதுவும் வழங்கப்படவில்லை.நெல் கொள்முதல் நிலையங்களில் பணியில் ஈடுபட்டுள்ள சுமைதூக்கும் தொழிலார்களுக்கான ஊதியம் மூட்டை ஒன்றிற்கு ₹3.25 இருந்து ₹10 ஆக உயர்த்தப்பட்டது. பருவக்கால பட்டியல் எழுத்தாளர்களுக்கு சம்பளம் மாதம் ஒன்றிற்கு ₹2250 உயர்த்தியதோடு தினப்படியாக ₹120 வழங்கப்பட்டது. பருவக்கால உதவுபவர்களுக்கும், காவலர்களுக்கும் சம்பளம் மாதம் ஒன்றிற்கு ₹2309 உயர்த்தியதோடு தினப்படியாக ₹100 வழங்கப்பட்டது. ஆண்டிற்கு ₹83 கோடி கூடுதலாக அரசிற்கு செலவு ஏற்பட்டாலும் முதல்வர் இந்த நடவடிக்கையை எடுத்துள்ளார்.திமுக ஆட்சி பொறுப்பேற்றவுடன் புதிதாக 8 லட்சத்து 85 ஆயிரத்து 424 பேருக்கு குடும்ப அட்டைகள் வழங்கப்பட்டுள்ளன. மேலும் 1 லட்சத்து 57 ஆயிரத்து 185 நபர்களுக்குப் புதிய குடும்ப அட்டைகள் வழங்கும் தருவாயில் உள்ளது. ஒரு பொங்கல் பை ₹31க்கு வாங்கியது கூட தெரியாமல் ₹60 க்கு வாங்கியதாக எடப்பாடியும், அண்ணாமலையும் அப்பட்டமான பொய் பேசி வருகின்றனர். கரும்புக்கும் பைக்கும் சேர்த்து மொத்த கொள்முதல் விலை 140 கோடி ரூபாய் ஆகும். உண்மைநிலை இவ்வாறு இருக்க பொங்கல்பை மற்றும் கரும்புக் கொள்முதலில் மட்டும் ₹135 கோடி ஊழல் நடந்துள்ளது என ஐபிஎஸ் தேர்வு பெற்றவர் அப்பட்டமாக பொய் பேசிவருகிறார்.  …