நன்றி குங்குமம் தோழி
*அளவான, முக்கியமான, குலதெய்வ சுவாமி படங்கள் வைத்தால் சுத்தமாகவும், பளிச்சென்றும் இருக்கும்.*விளக்கு, திரி, தீப்பெட்டி, எண்ணெய் போன்றவற்றை வைக்க தனியாக ஒரு இடம் விட்டால் நன்றாக இருக்கும்.*தினமும் சுவாமி படங்களுக்கு சூட்டியுள்ள பழைய பூமாலைகளை எடுத்துவிட்டு, புதிய பூமாலைகள் சூட்ட வேண்டும்.*குளித்துவிட்டு, பூஜை மாடத்தை, அறையை தண்ணீரில் சிறிது பன்னீர் கலந்து மெழுகினால், சுத்தமாகவும், மணமாகவும் இருக்கும். *பல வண்ணங்கள் பொடி கொண்டு கோலமிடலாம். *உப்பு கலந்த நீரில் பூவை நனைத்து, உதறி வைத்தால் எறும்பு வராது. பூக்கள் மாலை வரை வாடாமல் புத்தம் புதிதாக இருக்கும்.*ஊதுபத்திகளை வாழைப்பழத்திலோ, வேறு பழத்திலோ செருகாமல், அதற்குரிய ஸ்டாண்டில் வைக்க வேண்டும். ஊதுபத்தியின் குச்சியில் உள்ள சாயம் உடலுக்கு நல்லதல்ல.*விளக்குகளை எவர்சில்வர் பித்தளைத்தட்டில் வைத்து ஏற்றினால் எண்ணெய் கீழே சிந்தாது.சமையலறை நாம் உயிர்வாழத் தேவையான உணவு சமைக்கும் இடம் சமையலறை. இதனை பூஜை அறைக்கு அடுத்து சுத்தமாக வைத்துக் கொள்ள வேண்டும். *சமையலறை வெளிச்சமாகவும், காற்றோட்டமாகவும் இருப்பது அவசியம்.*திரைச்சீலைக்குப்பதில் ஜன்னலில் கம்பி வலை பொருத்தினால், வெளிச்சமும் காற்றும் கிடைக்கும்.*தினமும் இரவு சாப்பிட்ட பிறகு, சமையல் அறை, மேடை, அடுப்பு, தரை அனைத்தையும் சுத்தப்படுத்தி விட்டால் மறுநாள் காலை சமையல் செய்ய சௌகரியமாக இருக்கும். *பாத்திரங்கள் கழுவியதும் சிங்க்கையும் கழுவி உலர விட வேண்டும். *அடுப்பு, மேடையை சோப்பு பவுடருடன் சிறிது ஷாம்பு கலந்து தேய்த்து துடைத்துவிட்டால் சுத்தமாக, மணமாக இருக்கும்.*மேடையின் பின்புறமுள்ள டைல்ஸ் பதித்த சுவர்களை அடிக்கடி துடைத்து சுத்தம் செய்ய வேண்டும்.*மளிகை சாமான்கள், காய்கறிகள், உணவுப்பண்டங்கள், பாத்திரங்கள் இவற்றை தனித்தனி அலமாரிகளில் அடுக்கி வைத்தால் சட்டென்று எளிதில் எடுக்கலாம்.தொகுப்பு: எஸ்.ராஜம், திருச்சி.…