விவசாயியிடம் செல்போன் பறித்தவர் கைது

சாத்தான்குளம், ஜூலை 17: சாத்தான்குளம் அருகே உள்ள தேரிப்பனை டிகேசி நகரை சேர்ந்தவர் முருகன்(51), விவசாயி. இவர், கடந்த 14ம் தேதி பன்னம்பாறை வள்ளியம்மாள்புரத்தில் உறவினரை பார்த்து விட்டு பைக்கில் வீடு திரும்பினார். பன்னம்பாறை விலக்கில் வரும்போது பின்னால் பைக்கில் வந்த 4 பேர், அவரை வழிமறித்து பன்னம்பாறை ஊருக்கு வழி கேட்டுள்ளனர். அவர் வழி கூறியபோது பைக்கில் வந்த வாலிபர்கள், இவரது பையில் இருந்த செல்போன் மற்றும் ₹500ஐ பறித்துக் கொண்டு தலைமறைவாகி விட்டனர். இதுகுறித்து முருகன் சாத்தான்குளம் போலீசில் புகார் செய்தார். எஸ்ஐ முருகேசன் வழக்கு பதிவு செய்தார். எஸ்ஐ சுரேஷ்குமார் விசாரணை நடத்தி செல்போன் பறித்து சென்ற வைகுண்டத்தை சேர்ந்த மாடசாமி மகன் மகேஷ் என்ற சூர்யா (21) என்பவரை கைது செய்தார். மேலும் 3 பேரை தேடி வருகிறார். தொடர்ந்து இச்சம்பவம் பற்றி பொறுப்பு இன்ஸ்பெக்டர் ஜீன்குமார் விசாரணை நடத்தி வருகிறார்.