விராலிமலை: விராலிமலை அருகே விழுந்துவிடும் நிலையில் நிற்கும் மின் கம்பத்தை விரைவில் சீரமைக்க நடவடிக்கை எடுக்குமாறு அப்பகுதி மக்கள் கோரிக்கை விடுத்துள்ளனர். விராலிமலை அருகே உள்ள கொன்னகாட்டுப்பட்டி எனும் இடத்தில் குறைந்த அழுத்த மின்சாரத்தை தாங்கிச் செல்லும் மின்கம்பந்தின் மேற்பகுதியில் இருந்த சிமென்ட் காரைகள் பெயர்ந்து விழுந்து உள்ளிருக்கும் கம்பிகள் தெரியும் நிலையில் எப்போது வேண்டுமானாலும் விழுந்து விடும் நிலையில் உள்ளது. எனவே மின்வாரிய அலுவலர்கள் உடனடியாக நடவடிக்கை எடுத்து விபத்து ஏதும் நிகழும் முன் பழைய மின்கம்பத்தை மாற்றி விட்டு புதிய மின் கம்பம் அமைத்து தர வேண்டும் என்று அப்பகுதி குடியிருப்பு வாசிகள் கோரிக்கை விடுத்துள்ளனர்.