போடி, ஏப். 6: போடி அருகே தர்மத்துப்பட்டி நடுத்தெருவைச் சேர்ந்தவர் ராமர் (79). இவர் ஓய்வு பெற்ற ஆசிரியர். நேற்று முன்தினம் இரவு போடியிலிருந்து தனது டூவீலரில் ஊருக்கு திரும்பி கொண்டிருந்தார். மேலசொக்கநாதபுரம் பிரிவு தர்மத்துப்பட்டிக்கு அருகே சென்ற போது, திடீரென குறுக்கே நாய் வர டூவீலர் நிலைதடுமாறி விழுந்தது. இதில், பலத்த காயமடைந்த ராமர் மீட்கப்பட்டு தேனி மாவட்ட மருத்துவ கல்லூரி மருத்துவமனையில் சேர்க்கப்பட்டார். தீவிர சிகிச்சையில் இருந்த ராமர் சிகிச்சை பலனின்றி பரிதாபமாக உயிரிழந்தார். இதுகுறித்து போடி தாலுகா போலீசார் வழக்குப்பதிந்து விசாரிக்கின்றனர்.