பஸ் மோதி முதியவர் பலி

அலங்காநல்லூர், ஏப்.10: அலங்காநல்லூர் அருகே பேருந்து மோதி முதியவர் உயிரிழந்தார்.அலங்காநல்லூர் அருகே உள்ள பூதகுடி பகுதியில் நேற்று முன்தினம் இரவு சுமார் 60 வயது மதிக்கத்தக்க அடையாளம் தெரியாத முதியவர் நடந்து சென்றார். அப்பொழுது அலங்காநல்லூரில் இருந்து மதுரை நோக்கி சென்ற அரசு பேருந்து முதியவர் மீது மோதியது. இதில் முதியவர் பலத்த காயமடைந்து சிகிச்சைக்காக மதுரை அரசு மருத்துவமனைக்கு கொண்டு சென்ற நிலையில் பரிதாபமாக உயிரிழந்தார். இந்த விபத்து குறித்து வழக்கு பதிவு செய்த போலீசார் இறந்த முதியவர் யார், எந்த ஊரைச் சேர்ந்தவர் என்று வழக்கு பதிவு செய்து விசாரித்து வருகின்றனர்.