சென்னை, செப்.10: சென்னை கடற்கரை – விழுப்புரம் இடையே இன்று மற்றும் நாளை ஆகிய 2 நாட்கள் பராமரிப்பு பணி காரணமாக, மின்சார ரயில்கள் ரத்து செய்யப்பட்டுள்ளதாக தெற்கு ரயில்வே அறிவித்துள்ளது. இதுதொடர்பாக, தெற்கு ரயில்வே வெளியிட்ட அறிக்கை: சென்னை கடற்கரை – தாம்பரம் இடையே 8.25, 8.55, 10.20 மணிக்கு இயக்கப்படும் ரயில்கள், திருவள்ளூர் – சென்னை கடற்கரை இடையே 9.35 மணி, சென்னை கடற்கரை- திருவள்ளூர் இடையே 7.50 மணிக்கு இயக்கப்படும் ரயில்கள் இன்று மற்றும் நாளை ரத்து செய்யப்படுகிறது.
அதேபோல், சென்னை கடற்கரை – அரக்கோணம் இடையே காலை 4.05 மணிக்கு இயக்கப்படும் ரயில் நாளை மற்றும் 12ம் தேதி ரத்து செய்யப்படுகிறது. கும்மிடிப்பூண்டி – சென்னை கடற்கரை இடையே 9.45 மணிக்கு இயக்கப்படும் ரயில்கள் இன்று மற்றும் நாளை ரத்து செய்யப்படுகிறது. மேலும் சென்னை கடற்கரை- தாம்பரம் இடையே 11.05, 11.30, 11.59 மணிக்கு இயக்கப்படும் ரயில்கள் இன்று மற்றும் நாளையும், சென்னை கடற்கரை – செங்கல்பட்டு இடையே காலை 3.55 மணிக்கு இயக்கப்படும் ரயில்கள் நாளை மற்றும் 12ம் தேதி, சென்னை கடற்கரை மற்றும் எழும்பூர் இடையே ரத்து செய்யப்படுகிறது.
செங்கல்பட்டு – சென்னை கடற்கரை இடையே 9.10 மணிக்கு இயக்கப்படும் ரயில் இன்று மற்றும் நாளையும், திருமால்பூர் – சென்னை கடற்கரை இடையே இரவு 8 மணிக்கு இயக்கப்படும் ரயில், செங்கல்பட்டு – சென்னை கடற்கரை இடையே 10.10, 11 மணிக்கு இயக்கப்படும் ரயில்கள் இன்று மற்றும் நாளை எழும்பூர், சென்னை கடற்கரை இடையே ரத்து செய்யப்படுகிறது. கூடுவாஞ்சேரி – சென்னை கடற்கரை இடையே 10.10, 10,40, 11.15 மணிக்கு இயக்கப்படும் ரயில்கள் இன்று மற்றும் நாளை தாம்பரம் மற்றும் சென்னை கடற்கரை இடையே ரத்து செய்யப்படுகிறது. இவ்வாறு அறிக்கையில் கூறப்பட்டுள்ளது.
