வாணியம்பாடி: திருப்பத்தூர் மாவட்டம் வாணியம்பாடி அடுத்த அலசந்தாபுரம் கிராமத்தில் ராஜசேகர் என்பவருக்கு சொந்தமான விவசாய நிலம் உள்ளது. இதில், பயிரிடப்பட்டிருந்த நெற்பயிர்களை அறுவடை செய்யும் பணியில் நேற்று 20க்கும் மேற்பட்ட பெண்கள் ஈடுபட்டிருந்தனர். அப்போது, சுமார் 15 அடி நீளமுள்ள மலைப்பாம்பு பதுங்கியிருப்பதை பார்த்து அலறியடித்து ஓடினர். உடனே வனத்துறையினருக்கு தகவல் அளித்தனர். அவர்கள் வருவதற்கு தாமதமானதாக கூறப்படுகிறது. இதையடுத்து அங்கு வந்த அதே கிராமத்தை சேர்ந்த இளைஞர்கள், மலைப்பாம்பை லாவகமாக பிடித்து சென்று அருகில் உள்ள வனப்பகுதியில் விட்டனர்….