வால்பாறை, ஜூன் 24: வால்பாறை அடுத்துள்ள வில்லோனி பள்ளத்தாக்கு பகுதியில் உள்ளது அணலி எஸ்டேட். பரம்பிக்குளம் வால்பாறை பகுதியின் இணைப்பாக உள்ள இந்த எஸ்டேட்டில் தற்போது கரடிகள் ஆதிக்கம் அதிகரித்துள்ளது. வில்லோனி எஸ்டேட், வாட்டர் பால்ஸ், வேவர்லி, எஸ்டேட் பகுதிகளில் 4 முதல் 5 அடி வரை உள்ள செங்கரடிகள் முகாமிட்டுள்ளதால் வேலைக்கு செல்லும் தொழிலாளர்கள் அச்சத்துடன் செல்கின்றனர். வனத்துறையினர் போதிய விழிப்புணர்வு ஏற்படுத்தி கரடியின் பிடியில் பொதுமக்கள் சிக்காமல் இருக்க விழிப்புணர்வு மற்றும் பாதுகாப்பு நடவடிக்கை எடுக்க வேண்டும் என எதிர்பார்க்கின்றனர்.